សាកលវិទ្យាវិទ្យាសាស្ត្រសុខាភិបាល ត្រូវបានបង្កើតឡើងកាលពីឆ្នាំ១៩៤៦ ដែលកាលនោះត្រូវបានស្គាល់ថា ជាសាលាសម្រាប់មន្ត្រីសុខាភិបាល។ ក្រោយត្រូវបិទទ្វារទាំងស្រុងនៅក្នុងរបបខ្មែរក្រហម សាកលវិទ្យាល័យនេះបានដំណើរការឡើងវិញនៅក្នុងឆ្នាំ១៩៨០ ហើយបានដាក់ជំនាញឱសថសាស្ត្រ វេជ្ជសាស្ត្រ និងទន្តសាស្ត្រ នៅក្នុងមហាវិទ្យាល័យជាមួយគ្នា។ សាកលវិទ្យាល័យនេះត្រូវបានផ្លាស់ប្ដូរឈ្មោះជាច្រើនលើក ឯឈ្មោះសាកលវិទ្យាល័យវិទ្យាសាស្ត្រសុខាភិបាលនេះ ត្រូវបានដាក់តាំងតែពីឆ្នាំ១៩៩៧មក។ សាកលវិទ្យាវិទ្យាសាស្ត្រសុខាភិបាល ត្រូវបានគេហៅឈ្មោះក្រៅថា សាលាក្រហម។

ចក្ខុវិស័យ

សាកលវិទ្យាល័យវិទ្យាសាស្ត្រសុខាភិបាល នឹងក្លាយជាថ្នាលបណ្តុះបណ្តាលនាំមុខគេក្នុង វិស័យវិទ្យាសាស្ត្រសុខាភិបាល ដែលទទួលបាននូវការទទួលស្គាល់ថ្នាក់ជាតិ និងអន្តរជាតិ ហើយជា​ មជ្ឈដ្ឋានមួយ ដែលគ្រូ និស្សិត មន្ត្រី និងបុគ្គលិក សុទ្ធតែខិតខំនាំមកនូវឧត្តមភាព ក្នុងការបង្រៀន ការសិក្សា ការស្រាវជ្រាវ និងការផ្តល់សេវាសាធារណៈ។

បេសកម្ម

ស.វ.ស នឹងរួមវិភាគទានធ្វើអោយសុខភាពប្រជាជនកម្ពុជា មានសុខភាពល្អប្រសើរឡើង តាមរយៈ៖

  • ការចូលរួមអភិវឌ្ឍធនធានមនុស្ស ដោយផ្តល់ការបណ្តុះបណ្តាលទៅតាម និយាមជាតិ និងអន្តរជាតិ។
  • ការធ្វើការស្រាវជ្រាវដែលឆ្លើយតបទៅនឹងតំរូវការប្រទេសជាតិ ស្របតាម និយាមជាតិ និងអន្តរជាតិ។
  • ការផ្តល់សេវាប្រកបដោយគុណភាព និងក្រមសីលធម៌។
  • ការគ្រប់គ្រងអោយមានប្រសិទ្ធិភាព និងតម្លាភាព។
  • ការលើកកម្ពស់កិច្ចសហប្រតិបត្តិការជាតិ និងអន្តរជាតិ។

គោលដៅជាយុទ្ធសាស្ត្រ

  • គោលដៅចំបងទី ១៖ សំរេចបាននូវការទទួលស្គាល់ទាំងឧត្តមភាពការសិក្សា និងការ អភិវឌ្ឍន៍និស្សិត និងគ្រូ។
  • គោលដៅចំបងទី ២៖ ត្រូវបានទទួលស្គាល់ជាសាកលវិទ្យាល័យនាំមុខគេក្នុងការស្រាវជ្រាវ និងរបកគំហើញវិទ្យាសាស្ត្រសុខាភិបាលថ្មីៗ នៅព្រះរាជាណាចក្រកម្ពុជា។
  • គោលដៅចំបងទី ៣៖ ចូលរួមចំណែកដល់ការផ្តល់សេវាអោយឆ្លើយតបទៅនឹងតំរូវការ របស់សហគមន៍។
  • គោលដៅចំបងទី ៤៖ ធ្វើទំនើបកម្ម ព្រមទាំងលើកកំពស់អភិបាលកិច្ចល្អ។
  • គោលដៅចំបងទី ៥៖ មានធនធានសមស្របទាំងមនុស្ស ថវិកា និងហេដ្ឋារចនាសម្ព័ន្ត សំរាប់ធ្វើការអភិវឌ្ឍ ទៅរកឧត្តមភាព។
  • គោលដៅចំបងទី ៦៖ ពង្រឹង និងពង្រីកកិច្ចសហប្រតិបត្តិការអន្តរជាតិ។

បរិក្ខាសិក្សា

  • បណ្ណាល័យ
  • បន្ទប់ពិសោធន៍
  • សាលអនុវត្តផ្ទាល់
ឈ្មោះសាលា
University of Health Science
គេហទំព័រសាលា
លេខទូរស័ព្ទ

+855 23 430 559

អាសយដ្ឋានអុីមែល
អាសយដ្ឋាន
#៧៣, វិថីព្រះមុន្នីវង្ស
ខណ្ឌ
ខណ្ឌដូនពេញ,
ទីក្រុង
រាជធានីភ្នំពេញ