សាកលវិទ្យាល័យខេមរៈ ត្រូវបានផ្ដួចផ្ដើមបង្កើតឡើងដោយបញ្ញាវ័ន្តមួយក្រុម កាលពីឆ្នាំ២០០៤។ សាកលវិទ្យាល័យខេមរៈអនុវត្តតាមយុទ្ធសាស្ត្រចតុកោណ របស់រដ្ឋាភិបាលកម្ពុជា ដើម្បីចូលរួមអភិវឌ្ឍវិស័យអប់រំ និងដើម្បីសម្រេចបាននូវកម្មវិធីកែលម្អគុណភាពអប់រំផងដែរ។

ចក្ខុវិស័យ

ការបណ្តុះបណ្តាលធនធានមនុស្សនៅកម្ពុជាគឺជាការឆ្លើយតបចំពេល​វេលាទៅនឹង​សេចក្តីត្រូវ​ការ​​ដ៏បន្ទាន់និងចាំបាច់របស់កម្ពុជាក្នុងការលើកកម្ពស់​ជីវភាព​របស់​ប្រជាជននិង​ការកំណត់​សមត្ថភាព ដណ្តើមឈ្នះរបស់កម្ពុជាក្នុងយុគ​សម័យ​សាក​ល​ភាវូបនីយកម្មនៃសហសវត្ស​ថ្មីនេះ។​

បេសកម្ម

ផែនការយុទ្ធសាស្រ្ត៥ឆ្នាំ (២០១៣-២០១៧) របស់សាកល​វិទ្យា​ល័យ​ខេមរៈ ​បានរៀបចំឡើង​ ដោយមានប្រពន័្ធយន្តការការងារច្បាស់លាស់​ មាន​ការសិក្សា​ពិគ្រោះ​យោបល់គ្នា យ៉ាងទូលំទូលាយ ពី​សំណាក់អ្នកពាក់​ព័ន្ធនានា ពិសេសជាមួយអ្នក​ជំនាញ​​​ការ​​ ផ្នែកធ្វើកម្មវិធីសិក្សារបស់​ សាកលវិទ្យា​ល័យ​ផ្ទាល់។​ សាកលវិទ្យាល័យ​ខេមរៈ​ សង្ឃឹមយ៉ាងមុតមាំថា​ ផែនការ​យុទ្ធ​សាស្ត្រ​មេ ឆ្នាំ២០១៣-២០១៧​ នឹង​កំណត់​ផែនទីចង្អុលផ្លូវ សម្រាប់​ការអនុវត្ត​ប្រកបដោយប្រសិទ្ធភាព​ សំដៅជំរុញវិស័យ​សិក្សា​ធិការ​និងស្រាវជ្រាវ​របស់សាកលវិទ្យាល័យ ឲ្យ​លឿនទៅមុខជាលំដាប់ គឺធ្វើយ៉ាង​ណា​ជម្រុញឲ្យ​ការបណ្តុះ​បណ្តាល និងការស្រាវជ្រាវ​មាន​គុណភាពខ្ពស់​ស្មើ និង​ការសិក្សា ​​ក្នុងតំបន់ដើម្បីជាគុណប្រយោជន៍​ ដល់ប្រជាជនកម្ពុជាគ្រប់រូប ​ដែល​សម្រេច​​ចិត្ត​ផ្ញើ​ជោគវាសនា របស់ខ្លួនលើសាកលវិទ្យាល័យខេមរៈ។​

គោលដៅ

រួមវិភាគទានក្នុងការអភិវឌ្ឍសេដ្ឋកិច្ចជាតិ​ ដោយយកវិស័យអប់រំជា​មូលដ្ឋាន​ ក្នុងការកាត់ជួយបន្ថយ ភាពក្រីក្រ​​ តាមរយៈការលើកស្ទួយគុណភាព​និង​ប្រសិទ្ធិភាព​លើ​វិស័យ​អប់រំនៅកម្ពុជា ដោយផ្តល់ ​ចំណេះដឹងផ្នែក៖ ​វិទ្យា​សាស្ត្រ បច្ចេកទេស សេដ្ឋ កិច្ច​ គោលនយោបាយ​ សង្គម-វប្បធម៌ និងចំណេះដឹងផ្នែកទំនាក់ទំនងអន្តរជាតិ​ ដល់​និស្សិត។ ពង្រឹងការបណ្តុះបណ្តាលធនធានមនុស្ស ឲ្យមានសមត្ថភាពខ្ពស់​ លើ​ការ​សិក្សា​ស្រាវជ្រាវ​ ការវិភាគ ការតែងនិពន្វ​​ ដែលសមត្ថភាពជំនាញ ​ទាំងនេះមិន​អាច​កាត់ផ្តាច់ពីវិស័យអប់រំបានឡើយ។​ លើសពីនេះទៀត​គោល​ដៅ​អភិវឌ្ឍ​វិស័យអប់រំ​របស់​សាកលវិទ្យាល័យខេមរៈ គឺយកការអប់រំនៅ​ សម័យ​អង្គរ ធ្វើជាខ្នាតគម្រូសម្រាប់​អភិវឌ្ឍសេដ្ឋកិច្ចប្រទេសកម្ពុជាប្ចុប្បន្ន ស្របតាម​ទស្សនៈមួយ បានលើកឡើងថា​​ “ស្ពាន​​ សម័យអង្គរ ទ្រខ្មែរគ្រប់ជំនាន់ ”។​ លើកទឹកចិត្តដល់និស្សិត ដែលរៀន ពូកែ​​ ឲ្យទៅបន្តការសិក្សា​នៅ​ថ្នាក់​ឧត្តម​សិក្សា​ឬ​ក្រោយឧត្តម​​នៅ​ក្នុងឬក្រៅប្រទេស តាមរយៈការផ្តល់ ជា​អាហារូប​ករណ៍ទៅ​តាម​សមត្ថភាពជាក់ស្តែង។ ​​ពិសេសខិតខំរក​សាកលវិទ្យា​ល័យ​ដៃគូ​នៅ ​បរទេស សហ​ការ​គ្នាលើ​កម្មវិធីផ្លាស់ប្តូរនិស្សិតនិងអ្នកស្រាវជ្រាវ។​​​​ លើកកម្ពស់​ដល់​ការស្រាវជ្រាវ ដើម្បី​បានជាផលប្រយោជន៍ជាតិ ឬមនុស្សជាតិ។​

បរិក្ខាសិក្សា*

• បណ្ណាល័យសិក្សា
• បណ្ណាល័យរូបភាព
• សាលប្រជុំ
• បន្ទប់កុំព្យូទ័រ